Google ADS

Arrestohet një person në Shtime, gjuajti me armë zjarri në një aheng familjar

10:32 | 11 Gusht 2023
E.K

Është arrestuar një person në fshatin Godanc i Epërm në Shtime, pasi që i njëjti në një aheng familjar kishte shtënë me armë zjarri.

Njësitet relevante policore në vendin e ngjarjes kanë  gjetur dhe konfiskuar 10 gëzhoja të armës, përcjell Arbresh.info.

Gjatë një kontrolli policor në shtëpinë e të dyshuarit, policia ka gjetur dhe konfiskuar tre revole, një armë e llojit AK-47 dhe 201 copë fishekë.

Sipas policisë, rasti shkon në procedurë të rregullt.

“Fsh. Godanc i Epërm, Shtime, 10.08.2023-15:50. Është arrestuar i dyshuari mashkull kosovar pasi në një aheng familjar është raportuar për të shtëna me armë zjarri. Në vendin e ngjarjes në cilësi të provave materiale janë gjetur dhe konfiskuar 10 gëzhoja të armës së zjarrit. Gjatë kontrollit në shtëpinë e të dyshuarit janë gjetur dhe konfiskuar: 3 revole me gas, një armë AK-47 dhe 201 copë fishekë. Me vendim të prokurorit, rasti vazhdon në procedurë të rregullt”, thuhet në raportin e policisë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm